कोण मी?

रक्षकाच्या भक्षकाच्या हातातली बंदूक मी
प्राण घ्यायाचेच ठाऊक मात्र लक्ष ठरविणारी न मी

शस्त्र मी कापायचेच ठाऊक मजला
सर्प मी डंखायचेच ठाऊक मजला

मी कर्म.. ना कर्ता, सदगुण नी दुर्गुणही मी
दृश्यातली प्रतिमाही मी नी अदृश्य ती प्रतीभाही मी

ओळखावे आपापले, नियमांतली सक्ती न मी
नियमांचे नियम ठरवीणारी, परी एक उक्ती न मी

तुझ्यातली ठिणगी मी नी तुझ्यातील सूर्यही मी
तुझ्यातले पूर्णत्व मी परी न जाणसी कोण मी?